Kisi aur ki bahon me rh kr

KISI AUR KE BAHO MEIN RAH KAR
WO HUMSE WAFA KI BATE KARTE HAI

YE KAISI CHAHAT HAI YARO,

WO BEWAFA HAI JAN KAR BHI,
HUM UNHI SE PYAR KARTE HAIN

Silsle torr geya woh sabhi jaate jaate..

Ahmad Faraz

Silsle torr geya woh sabhi jaate jaate,
Warna itne to marasim they ke aate jaate,

Shikwa-e-zulmat-e-shab se to kahin behtar tha,
Apne hisse ki koi shamma jalaate jaate,

Kitna asaan tha tere hijr main marna jaana,
Phir bhi ik umar lagi jaan se jaate jaate,

Jashn-e-maqtal hi na barpa hua warna hum bhi,
Pa-bajolaan hi sahi naachte gaate aate,

Us ki woh jaane usse paas-e-wafa tha ke na tha,
Tum Faraz apni tarf se to nibhaate jaate..

Aashiqi me “mir” jaise khawb mat dekha karo..

Ahmad Faraz

Aasshiqi me “mir” jaise khawb mat dekha karo,
Baavle ho jaaoge mahtaab mat dekha karo,

Jasta jasta parh liya karna mazaamin-e-vafaa,
Par kitaab-e-ishq kaa har baab mat dekha karo,

Is tamaashe me ulat jaati hain aksar kashtiyan,
Doobne waalon ko zair-e-aab mat dekha karo,

Mai-kade me kya takaluf mai-kashii me kya hijaab,
Bazm-e-saaqi me adab adaab mat dekha karo,

Maange maange ki qabaayen dair tak rehti nahin,
Yaar logon ke laqab laqaab mat dekha karo,

Tishnagi me lab bhigo lena bhi kaafi hai Faraz,
Jaam me sahbaa hai ya zahraab mat dekha karo

Ab kya sochen kya halaat they..

Ahmad Faraz

Ab kya sochen kya halaat the kis kaaran yeh zehr piya hai,
Ham ne us ke sheher ko choda aur ankhon ko moond liya hai,

Apna yeh sheva to nahin tha apne gham auron ko saumpein,
Khud to jaagte ya sote hain us ko kyun be-khawb kiya hai,

Khilqat ki awaazain bhi thi band us ke darvaaze bhi they,
Taaza rifaaqat ke mausam tak main bhi jiya hoon woh bhi jiya hai,

Ek Faraz tumhin tanhaa ho jab tak dukh ke rasiyaa ho,
Warna aksar dil walon ne dard ka raasta chorr diya hai..

Dhoondta phirta hoon logon main shabaahat uski..

Dhoondta phirta hoon logon main shabaahat uski,
Ke woh khawbon main bhi lagti hai khayalon jesi.

 Aaj na hum se puchiye kesa kamaal ho geya,

Hijar ke khauf main rahe aur visaal ho geya..

Dil ka jhukao hijar ki janib balaaa ka hai..

Ab hum visaal-e-yaar se baizaar hain bohat,
Dil ka jhukao hijar ki janib balaaa ka hai..